اہم رکن اسمبلی کی عمران خان کی جولائی کے پہلے ہفتے میں رہائی کی پیش گوئی

اسلام آباد (نیوز ڈیسک ) اپوزیشن رکن اسمبلی رانا شہباز نے بانی پی ٹی آئی کے رہائی کے حوالے سے بڑی پیش گوئی کر دی۔ رکن پنجاب اسمبلی رانا شہباز نے میڈیا سے گفتگو کرتے ہوئے کہا ہے کہ بانی سابق چیئرمین تحریک انصاف جولائی کے پہلے ہفتے رہا ہو جائیں گے۔ انہوں نے کہا کہ پرویز الٰہی کی صحت اب پہلے سے بہت بہتر ہے وہ پنجاب سے پارٹی کی قیادت کریں گے۔
انہوں نے نہ کوئی ڈیل کی اور نہ ہی انہیں کوئی ڈھیل ملی ہے بلکہ وہ بانی پی ٹی آئی کی طرح ان کیساتھ ڈٹ کر کھڑے ہیں۔ رانا شہباز کا مزید کہنا تھا کہ پرویز الہی کو پولیس نے کئی بار گرفتار کیا ہے، ان کی 5 ہڈیاں ٹوٹی ہوئی ہیں،ان کی فزیو تھراپی ہو چکی ہے۔