چینی کمپنی کا پنجاب میں 8ملین ڈالر کی سرمایہ کاری کا اعلان ، کس شعبے میں سرمایہ کاری کی جائے گی ؟

اسلام آباد (نیوز ڈیسک ) چین کی شنگھائی ہائی روڈ فوڈ ٹیکنالوجی کمپنی لمیٹڈ پنجاب میں فوڈ پروسیسنگ بزنس قائم کرنے کے لئے 8ملین ڈالر کی سرمایہ کرے گی۔
گوادر پرو کے مطابق پنجاب میں فوڈ پروسیسنگ انڈسٹری کے مختلف پہلوؤ ں پر تبادلہ خیال کرنے کے لئے پی بی آئی ٹی حکام اور ہائی روڈ ٹیکنالوجی کمپنی لمیٹڈ کے نمائندوں کے درمیان ایک آن لائن اجلاس منعقد ہوا۔
پی بی آئی ٹی نے شنگھائی میں پاکستانی قونصلیٹ کے تعاون سے پنجاب میں ممکنہ جوائنٹ وینچر پارٹنرز کی نشاندہی اور طریقہ کار کو آگے بڑھانے میں مدد کے لئے مکمل تعاون کا وعدہ کیا۔
ابتدائی سیٹ اپ کے پہلے مرحلے میں 6000 مربع میٹر (تقریبا 1.5 ایکڑ) کا احاطہ کیا جائے گا، جس میں کامیاب نفاذ کے بعد سرمایہ کاری بڑھانے کا منصوبہ ہے۔
شنگھائی ہائی روڈ فوڈ ٹیکنالوجی کمپنی لمیٹڈ پلانٹ فیٹ کریم، کریمی کریم، کافی پلانٹ فیٹ کریم، اور چاکلیٹ پلانٹ فیٹ کریم سمیت ڈیری مصنوعات تیار کر تی ہے، کمپنی جام، خوشبو وغیرہ بھی تیار کرتی ہے۔