اسلام آباد (احمد ارسلان ) پی ٹی آئی کو مخصوص نشستیں نہیں ملیں گی، عمران خان جیل سے باہر نہیں آئیں گے اور نہ ہی اقتدار ملے گا، فیصل واوڈا کا دعویٰ۔تفصیلات کے مطابق ایک نجی ٹی وی چینل میں اینکر پرسن کے سوال پر تحریک انصاف کے سابق رہنما سینیٹر فیصل واوڈا کا کہنا تھا کہ مخصوص نشستیں تحریک انصاف کو نہیں ملیں گی۔
الیکشن کمیشن نےسپریم کورٹ کے فیصلے پر عملد رآمد کا اعلان تو کر دیا ہے ،گر وہ جو مشاورت والی بات آئی ہے وہ اسی لیے آئی ہے کہ اب مشاورت مشاورت کھیلا جائے گا ۔ فیصل واوڈا نے مزید دعویٰ کیا کہ عمران خان ابھی جیل سے باہر آتے دکھائی نہیں دے رہے ۔ لوگ عمران خان کو پسند کرتے ہیں مگر اس میں بڑی وجہ پی ڈی ایم کی ناپسندیدگی ہے کیونکہ پی ڈی ایم کی پسندیدگی نہیں ہے ۔
پی ڈی ایم وہ لاش ہے جسے زیادہ عرصہ ساتھ لے کر نہیں چلا جا سکتا ۔یہ نہ کھڑے ہونے کو تیار ہیں نہ کچھ کرنے کو تیار ہیں ،ان سے بس باتیں کروا لو ۔
پی ٹی آئی کو مخصوص نشستیں نہیں ملیں گی، عمران خان جیل سے باہر نہیں آئیں گے اور نہ ہی اقتدار ملے گا، فیصل واوڈا کا دعویٰ۔۔۔!!! pic.twitter.com/oEaasWs8NT
— Mughees Ali (@mugheesali81) July 19, 2024
