اسلام آباد(مانیٹرنگ ڈیسک) اسلام آباد میں جرائم کی شرح میں خوفناک اضافہ ، گزشتہ ایک ہفتے کے دوران چوری ، ڈکیتی کی وارداتوں میں 139گاڑیوں /موٹر سائیکلوں سمیت متعدد شہری جان سے بھی ہاتھ دھو بیٹھے ۔ تفصیلات کے مطابق وفاقی دارالحکومت اسلام آباد میں گزشتہ ہفتے کے دوران گاڑیوں کی چوری کی وارداتوں میں نمایاں اضافہ دیکھنے میں آیا ہے ۔
بزنس ریکارڈر کے جمع کردہ اعداد و شمار کے مطابق شہر کے مختلف تھانوں میں اسٹریٹ کرائم کے 27 اور ڈکیتی کے 35 مقدمات درج ہوئے جن میں شہریوں کو لاکھوں روپے مالیت کے قیمتی سامان سے محروم کر دیا گیا۔ اسی عرصے میں شہر کے تھانوں میں قتل کے تین مقدمات درج ہوئے۔
اسی عرصہ میں پولیس ریکارڈ کے مطابق گاڑیوں کی چوری کے 139 واقعات سامنے آئے جن میں 14 کاریں اور 125 موٹر سائیکلیں شامل ہیں۔ اس دوران کراچی کمپنی، آبپارہ، مارگلہ، ترنول، سنگجانی اور انڈسٹریل ایریا میں جرائم پیشہ گروہ سب سے زیادہ سرگرم تھے۔
زیر جائزہ مدت کے دوران تھانہ مارگلہ کی حدود سے گاڑی چوروں نے 14 موٹر سائیکلیں، تھانہ آبپارہ کی حدود سے 11 موٹر سائیکلیں، کراچی کمپنی سٹیشن کی حدود سے 9 موٹر سائیکلیں اور دو کاریں، ترنول کی حدود سے 10 کاریں چوری کر لیں۔
کراچی کمپنی پولیس اسٹیشن کی حدود میں گاڑی چوری کے 11، اسٹریٹ کرائم کے 4 اور ڈکیتی کے 3 مقدمات درج کیے گئے جبکہ تھانہ آبپارہ میں گاڑیاں چھیننے کے 11، اسٹریٹ کرائم کے 4 اور ڈکیتی کے دو مقدمات درج ہوئے ۔
اسی طرح گزشتہ ایک ایک ہفتے کے دوران تھانہ مارگلہ میں گاڑی چوری کے 14جبکہ تھانہ ترنول میں 10موٹر بائیکس چوری ،ایک کارچوری ، ایک سٹریٹ کرائم اور ایک ڈکیتی کے مجموعی واقعات میں شہریوں کا بڑا مالی نقصا ن دیکھنے میں آیا ۔ سنگجانی تھانے میں ایک قتل کا کیس ، 11گاڑی چوری اور ایک ڈکیتی کا واقعہ رپورٹ ہوا ۔
زیر نظر مدت کے دوران انڈسٹریل ایریا تھانے میں آٹو چوری کے آٹھ، اسٹریٹ کرائم کے دو اور ڈکیتی کے دو مقدمات درج ہوئے جبکہ گاڑی چوری کے آٹھ اور ڈکیتی کا ایک مقدمہ سیکرٹریٹ تھانے میں درج کیا گیا۔
