باجوہ فیض جوڑی پی ٹی آئی کیلئے بدنامی کا باعث ، عمران خان کو جنرل فیض پر کب شک ہوا ؟ عمران خان سے ملاقات بعد مروت کے بڑے انکشافات

رپورٹ:رافعہ زاہد
عمران خان سےملاقاتیں کنٹرولڈہوتی ہیں۔۔شیر افضل مروت کا الزام۔عمران خان کو قید میں جانےکےبعد جنرل فیض کےکردارپرشک ہوگیا تھا۔۔جنرل فیض حمید پہلے سے جنرل باجوہ کےآدمی تھے۔۔ باجوہ فیض جوڑی ۔۔ تحریک انصاف کےلیےبدنامی کاباعث بنی۔۔شیر افضل مروت نے عمران خان سے جیل میں ملاقات کے بعد جنرل فیض سے متعلق بڑا بیان دے دیا۔
رہنما تحریک انصاف شیر افضل مروت نے جیو نیوز کے پروگرام آج شاہزیب خانزادہ میں گفتگو کرتے ہوئے دعویٰ کیا کہ عمران خان سےملاقاتیں کنٹرولڈہوتی ہیں اور بیان دیا کہ پارٹی کےتمام افرادکورسائی ملنی چاہیے۔ مزید انہوں نے خبر دار کیا کہ یہ نہ ہوکہ مخصوص لوگ جیل جائیں اوروہی کنٹرول کریں۔
اسلام آباد میں تحریک انصاف سے جلسے سے متعلق بیان دیا کہ 22اگست کوہرحال میں جلسہ ہوگا۔ اور خیبرپختونخوا سےقافلے کرینیں اورتمام لوازمات ساتھ لے کرآئیں گے۔ انہوں نے دعویٰ کیا کہ موجودہ حکومت انہیں روک نہیں سکےگی۔
شیر افضل مروت نے جنرل فیض حمید سے متعلق بیان دیا کہ جنرل باجوہ اورجنرل فیض کی جوڑی تھی جو پاکستان تحریک انصاف کےلیےبدنامی کاباعث بنی ہے۔
شیر افضل مروت نے پروگرام میں مزید کہا کہ جنرل فیض کےکردارکی ہمیشہ مذمت کرونگا اور کہا کہ جنرل فیض حمید پہلے سے جنرل باجوہ کےآدمی تھے جو اس سےزیادہ اپنےلیےکام کرتےرہے۔
رہنماء تحریک انصاف نے آخر میں کہا عمران خان سےماضی کی ملاقاتوں سےاخذ کیا کہ قید میں جانےکےبعدانہیں جنرل فیض کےکردارپرشک ہوگیاتھا۔