پنجاب ، سندھ بجلی ریلیف لڑائی ، مریم نواز کے الفاظ کا چناؤ مناسب نہیں تھا،سندھ حکومت عوام کو کیا ریلیف دینے والی ہے ، ناصر شاہ نے پلان شیئر کر دیا ، رافعہ زاہد کی رپورٹ 

رپورٹ : رافعہ زاہد
مریم نواز کا جواب کچھ زیادہ ہی سخت تھا۔مریم نواز کے الفاظ کا چناؤ مناسب نہیں تھا۔۔سندھ حکومت بجلی کے بلوں میں کمی کےلیے پلان بنا رہی ہے۔۔صوبائی وزیر ناصر شاہ نے عوام کو بجلی کے بلوں میں مستقل ریلیف دینے کا پلان شیئر کردیا۔
جیو نیوز کے پروگرام کیپٹل ٹاک میں ناصر شاہ نے کہا کہ پی ٹی آئی کے ٹرین مارچ کو مکمل آزادی تھی، کسی نے نہیں روکا، اگر پُرامن جلسہ ہوگا تو بالکل اجازت دیں گے۔ انہوں نے کہا کہ مولانا فضل الرحمان ہمارے لیے قابل احترام ہیں، اُن کا احتجاج الیکشن میں دھاندلی کے خلاف ہے، جن سیٹوں پر وہ دھاندلی کا کہہ رہے ہیں، اُن میں سے اکثر تو پی ٹی آئی جیتی ہے۔
ناصر شاہ نے بجلی پر گفتگوکرتے ہوئے کہا کہ ہم اپنا کام کررہے ہیں، سندھ حکومت بجلی کے بلوں میں کمی کےلیے پلان بنا رہی ہے۔انہوں نے مزید کہا کہ تمام صوبے مل کر 70 ارب روپے دیں تو عوام کو بجلی کے بلوں میں مستقل ریلیف مل سکتا ہے۔ آئی پی پیز کے ساتھ اگر مشاورت سے کوئی قدم اٹھایا جائے تو بہتری آسکتی ہے۔
ان کا کہنا تھا کہ کراچی کی ڈیمانڈ ڈھائی ہزار میگاواٹ ہے جبکہ دیگرصوبوں کی ڈیمانڈ 1200 سے بھی کم ہے۔
صوبائی وزیر ناصر شاہ نے مزید کہا کہ کوئی بھی صوبہ اپنے لوگوں کو ریلیف دیتا ہے تو اس پر تنقید نہیں کرنی چاہیے۔ آئی پی پیز کی وجہ سے بجلی کا ٹیرف بہت زیادہ ہے، ہم پورے ملک کی بات کرتے ہیں۔
مریم نواز اور مراد علی شاہ کے حالیہ بجلی پار طنزیہ بیانات پر ذکر کرتے ہوئے کہا کہ وزیر اعلیٰ مراد علی شاہ تو کچھ اور کہنا چاہ رہے تھے لیکن مریم نواز کا جواب کچھ زیادہ ہی سخت تھا۔مریم نواز کے الفاظ کا چناؤ مناسب نہیں تھا، وزیراعظم شہباز شریف نے بات بالکل درست کی۔