اسلام آباد (نیوز ڈیسک ) ایران کے شہر یزد میں پاکستانی زائرین کی بس المناک حادثے کا شکار ہو گئی جس کے نتیجے میں 35 زائرین جاں بحق ہو گئے۔
ایرانی میڈیا کے مطابق زائرین کی بس دہشیر تفتان چیک پوائنٹ کے سامنے الٹ گئی جس کے بعد بس کو آگ لگ گئی ، بس میں 53 زائرین سوار تھے، جن میں سے 15 افراد زخمی ہوئے ، حادثہ بریک فیل ہونے سے پیش آیا۔
ایرانی میڈیا کے مطابق امدادی ٹیمیں زخمیوں اور لاشوں کو بس سے نکالنے میں مصروف ہیں جبکہ اسپتالوں میں ایمرجنسی نافذ کر دی گئی ہے۔
دوسری جانب مولانا قمر عباس نقوی کا کہنا ہے کہ تمام زخمیوں کو اسپتال منتقل کر دیا گیا ہے، بس میں 14 خواتین بھی سوار تھیں۔
مولانا قمر عباس نقوی کے مطابق بس لاڑکانہ سے روانہ ہوئی تھی، جاں بحق افراد کا تعلق لاڑکانہ خیرپور،کندھ کوٹ اورلاڑکانہ سے بتایا جا رہا ہے۔
ایران میں پاکستانی زائرین کی بس خوفناک حادثے کا شکار ، 35 جاں بحق، بس میں 53افراد سوار تھے
