آئی پی پیز سے نئی شرائط ، وفاقی وزیر توانائی نے بڑی خبر دیدی

اسلام آباد (نیوز ڈیسک ) وفاقی وزیر توانائی اویس لغاری نے کہا ہے کہ آئی پی پیز معاہدوں کو زبردستی ختم نہیں کریں گے۔
ایک انٹرویو میں انہوں نے کہا آئی پی پیز کو نئی شرائط پر آمادہ کر رہے ہیں،قوم دو ماہ میں خوشخبری سنے گی،معاملے پر زیادہ بینڈ باجا نہیں بجا سکتے،مہنگی بجلی کی وجہ آئی پی پیز نہیں ملک کے معاشی حالات ہیں۔
انہوں نے مزید کہا کہ بجلی گھروں کا کرایہ فی یونٹ بجلی کو مہنگا بنا رہا ہے ، نیٹ میٹرنگ صارفین سے معاہدے کی پاسداری کریں گے۔
چینی کمپنیوں کے ساتھ معاہدے سے ہٹا نہیں جاسکتا،چین کے بجلی کارخانے مقامی کوئلہ پرمنتقل ہوں گے۔