بجلی کی فی یونٹ قیمت میں ایک بار پھر اضافہ کر دیا گیا

اسلام آباد (نیوز ڈیسک) بجلی کی فی یونٹ قیمت میں ایک روپے 74 پیسے کا اضافہ کردیا گیا ہے۔ نوٹیفکیشن کے مطابق بجلی کی قیمتوں میں اضافہ سہ ماہی ایڈجسٹمنٹ کی مد میں کیا گیا ، اضافے کا اطلاق ڈسکوز سمیت کے الیکٹرک کے صارفین پر بھی ہوگا۔ بجلی صارفین پر 43 ارب 23 کروڑ روپے کا اضافی بوجھ پڑے گا،بجلی کی قیمتوں میں اضافے کا اطلاق ستمبر، اکتوبر اور نومبر کے بلوں پر ہوگا۔ نیپرا نے سہ ماہی ایڈجسٹمنٹ پر فیصلہ 6ستمبر کو وفاقی حکومت کو بھجوایا تھا۔