سرکاری ملازمین کے بچوں کو نوکریاں دینے کا معاملہ ، سپریم کورٹ سے اہم خبر

اسلام آباد (نیوز ڈیسک) سپریم کورٹ نے سرکاری ملازمین کے بچوں کو کوٹے پر ملازمت دینے سے متعلق کیس کا فیصلہ محفوظ کرلیا۔
دوران سماعت چیف جسٹس نےکہا سرکاری ملازمین کے بچوں کو نوکریاں دینے کا کوئی قانون بتائیں یا لاجک دیں،ہر حکومتی پالیسی کی کوئی لاجک تو ہونی چاہیے،کل چیف جسٹس کے بچوں کو سرکاری نوکریاں دینے کی پالیسی بنا دیں تو ؟
ریٹائرڈ ہونے والوں کو پنشن تو ملتی ہے،پنشن کے باوجود یہ ٹھیکہ لینے کی کیا ضرورت ہے؟ایڈیشنل ایڈووکیٹ جنرل نے کہا پنجاب سروس رولز میں ترمیم کرکے بچوں کا کوٹہ ختم کردیا گیا ، سندھ میں بچوں کو نوکری دینے کا قانون موجود ہے۔بلوچستان میں دوران سروس مرنے والے کو نوکری دینے کی پالیسی ہے،خیبرپختونخوا میں پالیسی موجود ہے جو نہیں ہونی چاہیے۔
چیف جسٹس قاضی فائز عیسیٰ نے کہا کہ اب کہیں گے ہم نوکریاں دے رہے تھے سپریم کورٹ نے روک دیا۔