مجھے لگتا ہے بانی پی ٹی آئی کو 190 ملین پاؤنڈ کیس میں سزا ہوگی، وزیر اعظم کے مشیر رانا ثنا اللہ کا بیان

اسلام آباد (نیوز ڈیسک) وزیر اعظم کے مشیر برائے سیاسی امور رانا ثنا اللہ نے کہا ہے کہ فی الحال مجھے لگتا ہے بانی پی ٹی آئی کو 190 ملین پاؤنڈ کیس میں سزا ہوگی۔
اپنے ایک بیان میں رانا ثنا اللہ کا کہنا ہے کہ بانی پی ٹی آئی اپنے دشمن خود ہیں، پی ٹی آئی کو جب بھی بات کرنا ہوگی وہ ہمارے ساتھ ہی ہوگی، ترامیم کیلئے بندے اٹھانے والی بات درست نہیں بلکہ وہ سب ڈرامہ تھا۔ہماری بانی پی ٹی آئی سے بات ہوگی تو سب کے سامنے ہوگی۔
رانا ثنا کا کہنا تھا کہ کس نے ڈرامہ کیا، یہ بات بانی اور پی ٹی آئی سب کو پتا ہے۔ انہوں نے کہا کہ اپوزیشن کے ساتھ مذاکرات چل رہے ہیں لیکن اس بار پہلے تفصیل نہیں بتائیں گے۔
وزیرِ اعظم کے مشیر برائے سیاسی امور کا کہنا تھا کہ محمود اچکزئی اور فضل الرحمان کیساتھ پی ٹی آئی کے لوگوں سے بھی رابطے ہیں، سیاسی مسائل کا حل سیاسی طور پر ہی ہوسکتا ہے۔
مشیر وزیراعظم نے کہا کہ ہمارے اوپر ظلم ہوتا رہاتو ہم پوری دنیا کو بتاتے رہے،میرے ساتھ ظلم ہوا تو اس وقت کے طاقت ور ترین شخص کا نام لیا۔
علی امین گنڈاپور اس بار خود ٹھیک ہوجائیں گے یا کردیئے جائیں گے، انہوں نے کہا کہ علی امین گنڈا پورکے ملے ہونے کا شک ہے،دونوں طرف کھیلتے ہیں،علی امین گنڈاپور انتظامیہ سے کہتے ہیں ڈی چوک کو ہاتھ لگانے دیں پھر نکل جاؤں گا۔