کویت: وزارت انصاف کے تازہ اعدادوشمار کے مطابق کویت میں طلاق کی شرح خطرناک حد تک بڑھ گئی ہے، جہاں 2025 کی پہلی ششماہی میں تقریباً ہر دو میں سے ایک شادی ختم ہو گئی۔
جنوری سے جون تک 6ہزار 968شادی کے معاہدے رجسٹر ہوئے جبکہ اسی عرصے میں 3ہزار 661 طلاقیں بھی ہوئیں، یعنی اوسطاً روزانہ 20 طلاقیں۔ اس کے علاوہ 478 جوڑوں نے طلاق کے بعد صلح بھی کر لی۔
اعدادوشمار کے مطابق زیادہ تر شادیاں کویتی شہریوں کے درمیان ہوئیں، جن کی تعداد 5ہزار 112یعنی 73.4 فیصد تھی۔ طلاقوں میں بھی سب سے زیادہ یعنی 2ہزار 198 کیسز کویتی مردوں اور خواتین کے درمیان ریکارڈ ہوئے۔
مزید یہ کہ 535 طلاقیں اس وقت ہوئیں جب شوہر پہلے سے شادی شدہ تھا، جبکہ 330 طلاقیں شادی کے مکمل ہونے سے پہلے ہی دائر کر دی گئیں۔
