بیرون ممالک سفر کرنے والے مسافر خبردار ، پاور بینکس کے بعد چیک اِن سامان میں وائرلیس ایئربڈز ر سمیت متعدد الیکٹرانک آلات رکھنے پر پابندی عائد کر دی گئی

دبئی: تائیوان کی نمایاں فضائی کمپنیوں، ایوا ایئر (EVA Air)، یونی ایئر (UNI Air) اور ٹائیگر ایئر تائیوان (Tigerair Taiwan) — نے مسافروں کو ہدایت دی ہے کہ وہ وائرلیس ایئربڈز (جیسے ایپل کے ایئر پوڈز) اپنے چیک اِن بیگیج میں نہ رکھیں۔

یہ فیصلہ لیتھیئم بیٹریوں سے متعلق بڑھتی ہوئی حفاظتی تشویشوں کے بعد کیا گیا ہے، کیونکہ یہ بیٹریاں بعض اوقات گرم ہو کر یا پھٹ کر پرواز کے دوران آگ لگنے کا باعث بن سکتی ہیں۔

یہ اقدام ان متعدد واقعات کے بعد اٹھایا گیا ہے جن میں پاور بینک کے دھماکے سے جہاز میں آگ لگنے کے واقعات پیش آئے۔ اس کے جواب میں فضائی حکام اور ایئرلائنز نے ری چارج ایبل بیٹریوں والے چھوٹے آلات کے لیے حفاظتی معیارات مزید سخت کر دیے ہیں۔

ٹائیگر ایئر تائیوان کے مطابق، وہ تمام پورٹیبل الیکٹرانک ڈیوائسز (PEDs) جن میں لیتھیئم بیٹریاں لگی ہوں مثلاًبلوٹوتھ ایئرفونز،ہینڈ ہیلڈ فینزاور اسی نوعیت کے دیگر آلات ۔انہیں صرف کیمبرہ سامان (کیبن بیگیج) میں رکھا جا سکتا ہے، چیک اِن بیگیج میں نہیں۔

یونی ایئر نے مزید وضاحت کی کہ ایئربڈز کے چارجنگ کیسز بھی PEDs کے زمرے میں آتے ہیں، اس لیے ان پر بھی یہی پابندی لاگو ہوگی اور وہ چیک اِن سامان میں رکھنے کی اجازت نہیں ہوگی۔