انٹر پاس بیروزگار نوجوانوں کیلئے سرکاری نوکریوں کا اعلان

پیرافورس میں 500 سارجنٹس اور ڈرائیورز بھرتی کرنے کا فیصلہ کر لیا گیا ہے، جس کے لیے ہر ضلع کے لیے علیحدہ کوٹے مختص کیے گئے ہیں۔

پنجاب انفورسمنٹ اینڈ ریگولیٹری اتھارٹی کے تحت یہ بھرتیاں گریڈ-7 کے 500 عہدوں کے لیے کی جائیں گی۔ ان بھرتیوں میں سارجنٹ ڈرائیورز کے لیے علیحدہ کوٹا مقرر کیا گیا ہے تاکہ ہر ضلع سے متناسب نمائندگی یقینی بنائی جا سکے۔

امیدواروں کے لیے عمر کی حد 18 سے 25 سال رکھی گئی ہے۔ درخواست دہندگان کے لیے ضروری ہے کہ انہوں نے انٹرمیڈیٹ پاس کیا ہو اور ایل ٹی وی (LTV) ڈرائیونگ لائسنس حاصل ہو۔ امیدواروں کو جسمانی اور ڈرائیونگ ٹیسٹ سے بھی گزرنا ہوگا۔

درخواستیں آن لائن نیشنل اپلیکیشن سروس کے ذریعے جمع کرائی جائیں گی، اور درخواست جمع کروانے کی آخری تاریخ 15 جنوری مقرر کی گئی ہے۔