چین سے پھوٹنے والی وبا کی نوعیت کو سنجیدگی سے نہ لینے کا سب سے زیادہ نقصان اٹھانے والے ممالک میں ایران کا شمار بھی ہوتا ہے۔
ایرانی حکام کی جانب سے بتایا گیا ہے کہ اب تک کوویڈ 19 نامی بیماری سے 2 ہزار 640 افراد ہلاک ہو چکے ہیں جبکہ 38 ہزار 309 افراد اس وائرس میں مبتلا ہو چکے ہیں۔
ایرانی وزیر صحت کیانوش جہاںپور نے بتایا ہے کہ کورونا میں مبتلا تقریباً تین ہزار سے زائد مریضوں کی حالت انتہائی تشویش ناک ہے۔
انہوں نے بتایا کہ گزشتہ 24 گھنٹوں کے دوران ایران میں 123 افراد ہلاک جبکہ 2 ہزار 901 متاثر ہوئے ہیں جبکہ مرنے والوں کی اوسط عمر 69 سال ہے۔
کورونا وائرس کا علاج، سوشل میڈیا پر پھیلی افواہ نے 300 ایرانیوں کی جان لے لی
ایران میں کورونا وائرس پر پاکستان ناکام، بھارت کیسے کامیاب ہوا؟
دنیا کے چار ممالک جنہوں نے پابندیاں لگائے بغیر کورونا کےخلاف کامیابی حاصل کی
اپنی ٹوئٹ میں انہوں نے خوشی اظہار کرتے ہوئے بتایا کہ کورونا کی بیماری میں مبتلا 12 ہزار 391 مریض صحت یاب ہو چکے ہیں۔
واضح رہے کہ دنیا بھر میں کورونا وائرس سے ہلاک مریضوں کی تعداد 33 ہزار سے تجاوز کر گئی۔
کورونا وائرس سے متاثرہ افراد کی تعداد 7 لاکھ سے زائد ہو گئی جبکہ ایک لاکھ 49 ہزار سے زائد افراد صحتیاب ہو چکے ہیں۔
کورونا وائرس کی وجہ سے سب سے زیادہ اموات اٹلی میں ہو چکی ہیں اٹلی میں گزشتہ 24 گھنٹے کے دوران 9 سو سے زائد اموات ہوئیں جس کے بعد اٹلی میں اموات کی تعداد 10 ہزار سے تجاوز کر گئیں.
