بھارتی وزیر اعظم نریندر مودی نے امریکی صدر ڈونلڈ ٹرمپ سے کہا ہے کہ ہم کورونا وبا کے خلاف جنگ ایک ساتھ جیتیں گے۔
جواب میں ٹرمپ نے مضبوط قیادت کے لیے مودی کی تعریف کی اور کہا کہ اس بحران کے دوران ہندوستان کی مدد کو فراموش نہیں کیا جائے گا۔
ٹوئٹر پر اس باہمی ستائش اور دوستی کے بندھن کی بنیاد بھارت کی جانب سے ملیریا کی ادویات کی برآمد پر پابندی کا خاتمہ بنا جس کے بعد انہیں امریکہ فروخت کیا جا سکے گا۔
کورونا وائرس کا علاج: کیا ملیریا کی دوا ’کلوروکوئن‘ گیم چینجر ہے؟
پنجاب کے مختلف اسپتالوں میں کورونا کے مریضوں پر ملیریا کی دوا کا استعمال شروع
ٹرمپ کے جھوٹ نے ایک شخص کی جان لے لی
امریکہ میں ہائیڈرو آکسی کلوروکوئین کو کورونا وائرس کے ممکنہ علاج کے طور پر دیکھا جا رہا ہے، اس کی تیاری سب سے زیادہ بھارت میں ہوتی ہے، گزشتہ ہفتے مودی اور ٹرمپ کی فون پر بات کے بعد بھارت نے امریکہ کے لیے اس کی برآمد پر عائد پابندی ختم کر دی تھی۔
مودی نے اپنے ٹویٹ میں ٹرمپ کو مخاطب کرتے ہوئے کہا کہ ہم آپ سے پوری طرح اتفاق کرتے ہیں، مشکل وقت میں دوست ہی قریب آتے ہیں۔
انہوں نے مزید کہا کہ ہندوستان اور امریکہ کی شراکت پہلے سے کہیں زیادہ مضبوط ہے۔
Fully agree with you President @realDonaldTrump. Times like these bring friends closer. The India-US partnership is stronger than ever.
India shall do everything possible to help humanity's fight against COVID-19.
We shall win this together. https://t.co/0U2xsZNexE
— Narendra Modi (@narendramodi) April 9, 2020
اس سے قبل ٹرمپ نے اپنی ٹویٹ میں کہا تھا کہ غیرمعمولی حالات میں دوستوں کے تعاون کی زیادہ ضرورت ہوتی ہے، انہوں نے بھارت اور اس کے عوام کا اس دوائی کے لیے شکریہ ادا کیا۔
انہوں نے نریندر مودی کا شکریہ ادا کرتے ہوئے کہا کہ اس مدد کو کبھی فراموش نہیں کیا جائے گا۔
منگل کو گجرات سے تعلق رکھنے والی تین کمپنیاں یہ گولیاں امریکہ کو برآمد کریں گی۔
