حکومت پنجاب کا کل رات سے لاہور کے کچھ علاقوں میں مکمل لاک ڈاؤن کا فیصلہ

صوبائی وزیر صحت ڈاکٹر یاسمین راشد نے کہا ہے کہ کورونا کے پھیلاؤ کے باعث لاہور کے کچھ علاقوں میں کل رات سے مکمل لاک ڈاؤن کیا جائے گا۔

ایک پریس کانفرنس میں انہوں نے کہا کہ جن علاقوں میں مکمل لاک ڈاؤن کیا جائے گا ان میں شاہدرہ، شاد باغ اور ہرنس پورہ شامل ہیں، یہاں کم از کم دو ہفتوں کا مکمل لاک ڈاؤن ہو گا۔

کورونا کی پھیلتی وبا: عالمی ادارہ صحت کا پاکستان کو لاک ڈاؤن کا مشورہ

خودکشی کی کوششوں میں غیرمعمولی اضافہ، امریکی ڈاکٹرز کا لاک ڈاؤن ختم کرنے کا مطالبہ

چینی دارالحکومت میں کورونا نمودار، بیجنگ کے کئی علاقوں میں لاک ڈاؤن

انہوں نے کہا کہ ان علاقوں میں کھانے کے سٹور اور ادویات کی دکانیں کھلی رہیں گی، کورونا کی صورتحال بہتر ہونے کے بعد ہی لاک ڈاؤن نرم کیا جائے گا۔

انہوں نے عوام پر زور دیا کہ وہ حکومت کی جانب سے اعلان کردہ ایس او پیز پر عمل کریں تاکہ کورونا وائرس کو پھیلنے سے روکا جا سکے، صرف ماسک پہننے سے وائرس کا پھیلاؤ 50 فیصد رک جاتا ہے۔

یاد رہے کہ اس سے قبل لاہور ہی میں وزیراعظم عمران خان بھی تنبیہ کر چکے ہیں کہ اگر عوام نے ایس او پیز پر عمل نہ کیا اور کورونا پھیلتا رہا تو حکومت سخت لاک ڈاؤن کرنے پر مجبور ہو گی۔