بھارتی کرکٹ ٹیم کے کپتان ویرات کوہلی نے ٹویٹر پر اپنے گھر ننھے مہمان کی آمد کی خوشخبری سنا دی ہے۔
انہوں نے اپنی اہلیہ انوشکا شرما کے ساتھ تصویر شیئر کرتے ہوئے لکھا کہ بچے کی پیدائش جنوری 2021 میں متوقع ہے، ہم اب تین ہونے جا رہے ہیں۔
تصویر میں دونوں میاں بیوی مسکرا رہے ہیں، انوشکا نے سیاہ رنگ کا سوٹ پہنا ہوا ہے جبکہ کوہلی ان کے پیچھے کھڑے ہیں۔
انوشکا اور ویرات کے مداح یہ خبر سن کر اس خوبصورت جوڑی کے لیے خوشی اور نیک خواہشات کا اظہار کر رہے ہیں۔
بھارتی کرکٹ ٹیم کے کپتان ویرات کوہلی اور انوشکا شرما نے 11 دسمبر 2017 میں شادی کی تھی، شادی کے تقریبا تین سال بعد وہ اپنے پہلے بچے کی پیدائش کا انتظار کر رہے ہیں۔
