سشانت سنگھ کی گرل فرینڈ ریا چکربورتی نے زبان کھول دی، کئی انٹرویوز دے ڈالے

14 جون کو خودکشی کرنے والے معروف بھارتی اداکار سشانت سنگھ کی گرل فرینڈ ریا چکربورتی نے بھی زبان کھول دی ہے اور ایک انٹرویو میں کہا ہے کہ ان پر تمام الزامات بے بنیاد ہیں۔

انہوں نے کہا کہ وہ بھی یہ جاننا چاہتی ہیں کہ سشانت سنگھ کے ساتھ 8 اور 14 جون کے درمیان کیا ہوا تھا جب وہ ان کے ساتھ نہیں تھیں۔ اس دوران ان کی بڑی بہن میتو سنگھ ان کے ساتھ تھیں، ان سے اس حوالے سے پوچھنا چاہیے۔

کنگنا رناوت کے بالی وڈ کے متعلق نئے انکشافات، اتالیق پر نشہ پلانے کا الزام

سشانت سنگھ کے والد نے بیٹے کی گرل فرینڈ پر مقدمہ دائر کر دیا

سشانت سنگھ کے 50 خواب، اداکار کی ہاتھ سے لکھی تحریر سامنے آ گئی

ریا چکربورتی نے انڈیا ٹوڈے کو انٹرویو انٹرویو دیتے ہوئے کہا کہ ایف آئی آر درج ہونے سے پہلے ہی میں نے سی بی آئی کی انکوائری کی درخواست کی تھی کیونکہ میں بے گناہ تھی اور نہیں جانتی تھی کہ ان 7 دنوں میں کیا ہوا۔

میزبان رندیپ سردیسائی نے ریا سے سوال پوچھا کہ ان کے خیال میں سشانت نے خودکشی کی تھی یا کوئی اور معاملہ تھا تو انہوں نے کہا کہ میرا ذہن خود اس حوالے سے غیرواضح ہے کیونکہ آخری ہفتہ میں ان کے ساتھ نہیں تھی، اس کے خاندان نے اس معاملے کو مذاق بنا دیا ہے۔

ریا چکربورتی نے این ڈی ٹی وی کو بھی ایک انٹرویو دیا جس میں انہوں نے دعویٰ کیا کہ سشانت کے والد کا رویہ تکلیف دہ ہے، میں ان کے بیٹے سے محبت کرتی تھی اور اس کی دیکھ بھال کرتی تھی۔

انہوں نے شکوہ کیا کہ مجھے اور میرے خاندان کو نشانہ بنایا جا رہا ہے، ہمارے گیٹ کے باہر لوگوں کا ہجوم موجود ہے، لوگ نتائج آنے کا انتظار کیوں نہیں کر سکتے؟

ایک سوال کے جواب میں ریا چکربورتی نے کہا کہ سشانت سنگھ چرس کا استعمال کیا کرتے تھے، میں نے انہیں روکنے کی کوشش کی تھی، میں نے کبھی منشیات استعمال نہیں کیں، میں بلڈ ٹیسٹ دینے کے لیے تیار ہوں۔

انہوں نے تفتیش کے حوالے سے بتایا کہ ممبئی پولیس کا رویہ بہت سخت تھا، دیگر ادارے بھی ایسے ہی سختی کریں گے، میری خواہش ہے کہ سچائی سامنے آئے مگر مجھے نشانہ نہ بنایا جائے۔

انہوں نے مزید کہا کہ سشانت سنگھ کے خاندان نے پنڈوراز باکس کھول دیا ہے، میں اب جو بھی کہوں گی اسے غلط سمجھا جائے گا۔ میں نے سشانت سے ایک روپیہ بھی نہیں لیا بلکہ ہم کمپنی کے برابر کے مالک تھے۔