کراچی: سندھ میں تمام بلدیاتی ادارے تحلیل کر دیے گٸے، صوبائی حکومت نے نوٹیفکیشن جاری کر دیا۔
نوٹیفکیشن کے مطابق آج شام تک کراچی کے ایڈمنسٹریٹر کا اعلان کردیا جاٸے گا۔ سندھ حکومت نے میٸر سمیت تمام سابقہ عہدیداروں سے حساب کتاب اور تفصیلات بھی طلب کرلی ہیں۔
میونسپل کارپوریشن، ڈسٹرکٹ کونسلز، یونین کونسلز کے ساتھ ساتھ میونسپل ، ٹاؤن اور یونین کمیٹیز بھی تحلیل کردی گئی۔
حکومتی نوٹیفکیشن میں بلدیاتی اداروں کے سابق نمائندوں کو سرکاری گاڑیاں واپس کرنے کا کہا گیا ہے۔
ذرائع کا کہنا ہے کہ بلدیاتی اداروں میں نئی تعینیاتیوں کے لیے جوڑ توڑ شروع ہو گیا ہے، ایڈمسٹریٹر سکھر کے لیے خورشید شاہ نے ڈی سی رانا عدیل جبکہ شیخ ہاؤس نے سابق ڈی سی رحیم بخش میتلو اور نثارمیمن کے نام دیے گئے ہیں۔
اسی طرح حیدرآباد میں ایم کیو ایم اور پیپلزپارٹی نے اپنے اپنے نام دے دیے ہیں۔
