اسلام آباد، لاہور موٹروے پر ایک اور واردات

اسلام آباد لاہور موٹروے پر ایک اور واردات میں مسلح ڈاکوؤں کئی گاڑیوں کو لوٹ کر فرار ہو گئے ہیں۔

اطلاعات کے مطابق ڈاکوؤں نے لاہور اسلام آباد موٹروے پر درخت ڈال کر ٹریفک روک دی اور فائرنگ کر کے گاڑیوں کے ٹائر برسٹ کر دیے۔

جیو نیوز کے مطابق شیخوپورہ انٹرچینج سے 3 کلومیٹر دور یہ واقعہ پیش آیا ہے، مسافروں نے موٹروے پولیس کو کالز کیں تو کوئی جواب نہیں ملا اور ڈاکو کئی گاڑیوں کو لوٹ کر باآسانی فرار ہو گئے۔

بعد ازاں مسافروں نے ون فائیو پر اطلاع دی تو پولیس جائے وقوعہ پر پہنچ گئی اور مقدمہ درج کر لیا۔

یاد رہے کہ 9 ستمبر کو لاہور سیالکوٹ موٹروے پر ڈاکوؤں نے ایک خاتون کے ساتھ زیادتی کی تھی جس کے بعد ملک بھر میں غم و غصے کی لہر دوڑ گئی تھی۔