بالی ووڈ کی دنیا پر دہائیوں سے راج کرنے والے معروف اداکار عامر خان کی بیٹی ایرا خان مختلف تجربات کرتی رہتی ہیں، انہوں نے اپنے کیرئیر کا آغاز تھیئر سے کیا تھا جہاں وہ ہدایتکاری کرتی رہی ہیں۔
اب انہوں نے ٹیٹو بنانے کا فن سیکھ لیا ہے، انسٹاگرام پر انہوں نے اپنی مہارت کی کچھ تصویریں شیئر کی ہیں جن کی ان کے فالورز نے بہت زیادہ تعریفیں کی ہیں۔
ایرا خان نے ویڈیو میں بتایا ہے کہ انہیں ٹیٹو بنانے میں مہارت حاصل ہے اور ایسے شاندار ٹیٹو نقش کرتی ہیں کہ دیکھنے والا دنگ رہ جاتا ہے۔
23 سالہ ایرا نے اپنے فٹنس ٹرینر نوپور شیکھرے کے لئے ٹیٹو بنایا، انہوں نے اپنے سب فالوورز کو اپنی مہارت سے بہت متاثر کیا۔ وہ عامر خان کی پہلی بیوی رینا دتہ کی بیٹی ہیں۔
انہوں نے ماضی میں کہا تھا کہ وہ کیمرے کے پیچھے رہنا پسند کرتی ہیں، یہی وجہ ہے کہ انہوں نے فلموں میں اداکاری کے بجائے تھیٹر میں ہدایتکاری کا شعبہ منتخب کیا تھا۔
