لاہور: پاکستان کرکٹ بورڈ نے زمبابوے کے خلاف سیریز کے میچوں کا آغاز جلدی کرنے کا فیصلہ کیا ہے۔
پی سی بی حکام کے مطابق موسمی پیشگوئیوں کو مدنظر رکھتے ہوئے زمبابوے کے خلاف ایک روزہ میچوں کی سیریز کے تمام میچ دن 12 بجے شروع کیے جائیں گے۔
مختصر فارمیٹ کے تینوں میچ سہ پہر 3 بج کر 30 منٹ پر شروع کیے جائیں گے۔
رپورٹس کے مطابق پی سی بی نے یہ فیصلہ شام کے اوقات میں اوس پڑنے، دھند یا اسموگ کے ممکنہ اثرات سے بچنے کے لیے کیا ہے۔
پاکستان اور زمبابوے کے درمیان ون ڈے میچوں کی سیریز کے تینوں میچ راولپنڈی میں کھیلے جائیں گے۔
دونوں ٹیمیں 30 اکتوبر کو پہلے ون ڈے میچ میں آنے سامنے آئیں گی۔ سیریز کا دوسرا اور تیسرا میچ یکم اور 3 اکتوبر کو کھیلا جائے گا۔
ایک روزہ سیریز کے تینوں میچ ملتان میں شیڈول تھے جنہیں کچھ وجوہات کی بنا پر راولپنڈی منتقل کر دیا گیا تھا۔
پاکستان اور زمبابوے کی ٹیمیں ٹی ٹونٹی سیریز کے پہلے میچ میں 7 نومبر کو لاہور کے قذافی اسٹیڈیم میں اتریں گی۔
مختصر فارمیٹ سیریز کا دوسرا اور تیسرا میچ 8 اور 10 نومبر کو کھیلا جائے گا۔
