سینئر صحافی سلیم صافی نے بلاول بھٹو کو مشورہ دیا ہے کہ وہ فوری طور پر سندھ اسمبلی توڑ دیں۔
تفصیلات کے مطابق سینئر صحافی سلیم صافی کی جانب سے یہ مشورہ مزار قائد پر نعرے بازی کے بعد کیپٹن ریٹائرڈ صفدر کی گرفتاری کے معاملے پر ردعمل دیتے ہوئے دیا گیا ہے۔
سلیم صافی کا کہنا ہے کہ "زرداری اور بلاول بلوچ سندھی ہیں۔ مریم انکی مہمان تھیں۔ انکی حکومت میں ان کے کمرے کا توڑا جانا معمولی واقعہ نہیں۔
انہوں نے کہا کہ سندھی اور بلوچ غیرت کا تقاضا ہے کہ آج ہی سندھ اسمبلی توڑ کر حکومت چھوڑ دی جائے۔
ان کا کہنا تھا کہ اپوزیشن جب تک جعلی اسمبلیوں اور جعلی حکومتوں کا حصہ ہوگی ، تب تک اپوزیشن کو بھی جعلی سمجھا جائے گا۔
سلیم صافی کی جانب سے کیے جانے والے اس ٹوئٹ پر ایک اور سینئر صحافی کامران خان کی جانب سے بھی ردعمل دیا گیا۔
کامران خان کا کہنا ہے کہ سلیم صحافی جیسے زیرک اور سینئر صحافی ہی حالات کی اتنی بہترین عکاسی کر سکتے ہیں، فیصلے کی گھڑی ہے بلاول بھٹو۔
