اسلام آباد : وفاقی دارالحکومت میں کورونا کی دوسری لہر کے باعث مثبت کیسز میں اضافہ ہو رہا ہے جس کے بعد ڈپٹی کمشنر حمزہ شفقات کے احکامات پر مختلف سیکٹرز میں لاک ڈاؤن نافذ کر دیا گیا ہے۔
ڈپٹی کمشنر کے مطابق شہر کے 10 سیکٹرز میں مثبت کیسز سامنے آنے پر مختلف گلیوں کو سیل کر دیا گیا ہے۔
سیکٹر ایف الیون تھری میں سٹریٹ 46، سیکٹر 2 میں سٹریٹ 23 سیل، سیکٹر آئی ایٹ 2 میں سٹریٹ 58 اور سیکٹر تھری میں سٹریٹ 57 کو سیل کر دی گئی ہیں۔
اسی طرح سیکٹر آئی ایٹ 4 میں سٹریٹ نمبر 91، سیکٹر 4 میں سٹریٹ 91، میڈیا ٹاؤن بلاک ڈی میں سٹریٹ نمبر 10، سیکٹر جی الیون 2 میں سٹریٹ 33 اور جی سکس 2 میں سٹریٹ 35 بھی سیل کر دی گئی ہیں۔
ڈپٹی کمشنر کے مطابق پاکستان ٹاؤن میں کورونا کیسز سامنے آنے پر سٹریٹ 30 سیل کر دی گئی ہے۔
ان کا کہنا ہے کہ ملازمت پیشہ افراد کو کورونا کی منفی رپورٹ آنے پر آمدورفت کی اجازت ہوگی، کورونا کی دوسری لہر میں عوام کو احتیاط کرنا ہوگی۔
ڈپٹی کمشنر نے کہا ہے کہ مقامی اسسٹنٹ کمشنرز اور ہیلتھ ٹیموں کو نگرانی کی ہدایت کر دی گئی ہے۔
