محکمہ ایکسائز اینڈ ٹیکسیشن پنجاب نے مہنگی ترین کار لیمبر گینی کی 45 لاکھ 32 ہزار روپے میں رجسٹریشن کر لی ہے، محکمہ ایکسائز کے مطابق سپورٹس کار لیمبر گینی کی قیمت 11 کروڑ روپے ہے۔
کار کے مالک کی طرف سے چند دن قبل محکمہ ایکسائز سے گاڑی کی رجسٹریشن کیلئے رابطہ کیا گیا تھا لیکن سسٹم میں سہولت نہ ہونے کی باعث محکمہ ایکسائز نے لیمبر گینی کار کا نمبر جاری کرنے سے انکار کر دیا تھا۔
محکمہ ایکسائز کی ڈی ایچ اے میں موٹر رجسٹریشن برانچ کے سربراہ ندیم چوہدری کا کہنا ہے کہ رولز میں ترمیم کے بعد اب سسٹم کو اپ گریڈ کر دیا گیا ہے، جس کے بعد اس کار کو رجسٹر کرنے کی سہولت پیدا ہو گئی تھی۔ اس لئے پہلی ہی فرصت میں گاڑی کے مالک کر بلا کر نمبر الاٹ کر دیا گیا ہے۔
محکمہ ایکسائز کے اعلی افسر نے بتایا کہ یہ کار پنجاب کی تاریخ کی مہنگی ترین گاڑی بن گئی ہے کیونکہ نہ تو اس سے پہلے اس مالیت کی کار رجسٹرڈ ہوئی اور نہ ہی اتنا ٹیکس حاصل کیا گیا ہے۔
