کورونا وبا کی دوسری لہر اس وقت پوری دنیا میں شدت اختیار کرتی جا رہی ہے، مختلف ممالک اس کا مقابلہ کرنے کی کوشش کر رہے ہیں مگر ابھی تک کامیابی کم ملکوں کو نصیب ہوئی ہے۔
یہ عالمی وبا دنیا بھر میں 4 کروڑ 64 لاکھ 26 ہزار سے زائد افراد کو اپنا نشانہ بنا چکی ہے جن میں سے 12 لاکھ سے زیادہ اس جہان فانی سے رخصت ہو گئے ہیں۔
عالمی سطح پر بہت معروف اور طاقتور افراد بھی وائرس سے متاثر ہو چکے ہیں، اب عالمی ادارہ صحت (ڈبلیو ایچ او) کے سربراہ ٹیڈروس ٹیڈروس ادھانوم نے خود کو قرنطینہ کر لیا۔
غیر ملکی خبر رساں ایجنسی کے مطابق عالمی انہوں نے کورونا سے متاثرہ شخص سے ہاتھ ملایا تھا جس کے بعد وہ احتیاطی تدبیر کے طور پر آئسولیشن میں چلے گئے ہیں۔
ٹیڈروس ادھانوم کا کہنا ہے کہ ابھی تک مجھ میں کورونا کی کوئی علامت سامنے نہیں آئی تاہم ڈبلیو ایچ او کے رہنما اصولوں کے مطابق خود کو قرنطینہ کر رہا ہوں۔
اس وقت امریکہ کورونا وائرس سے سب سے زیادہ متاثرہ ملک ہے جبکہ بھارت 82 لاکھ کورونا مریضوں کے ساتھ دوسرے نمبر پر ہے۔
بھارت میں اب تک ایک لاکھ 22 ہزار سے زائد افراد کورونا کے ہاتھوں اپنی جان سے ہاتھ دھو بیٹھے ہیں۔
امریکہ اور انڈیا کے بعد برازیل وبا سے متاثر ہونے والا تیسرا بڑا ملک ہے۔ برازیل میں 55 لاکھ 45 ہزار سے زائد افراد وائرس سے متاثر ہوئے ہیں جبکہ یہاں ایک لاکھ 60 ہزار سے زائد اموات ہو چکی ہیں۔
