پشاور (مانیٹرنگ ڈیسک) پشاور ہائی کورٹ کے چیف جسٹس جسٹس وقار احمد سیٹھ انتقال کرگئے۔
نجی ٹی وی چینل جیو نیوز نے اپنی رپورٹ میں بتایا ہے کہ چیف جسٹس پشاور ہائی کورٹ جسٹس وقار احمد سیٹھ کا انتقال ہوگیا۔ چیف جسٹس پشاور ہائی کورٹ کرونا وائر س میں مبتلا تھے۔ انھیں اسلام آباد کے کلثوم ہسپتال میں داخل کیا گیا تھا۔
جسٹس وقار نےگزشتہ سال غداری کیس میں سابق صدرجنرل (ر) پرویز مشرف کو پھانسی کی سزا سنائی تھی۔ جبکہ پھانسی سے قبل ان کی موت واقع ہونےکی صورت میں ان کی لاش کو گھسیٹ کر لانے اور تین روز تک ڈی چوک پر لٹکانے کا حکم دیا تھا۔
