آئل اینڈ گیس ریلگولیٹری اتھارٹی (اوگرا) نے پیٹرول کی قیمت میں 3 روپے فی لٹر کمی کی سفارش کر دی ہے۔
ذرائع کے مطابق اوگرا نے پٹرولیم مصنوعات کی قیمتوں میں ردوبدل کی سمری پٹرولیم ڈویژن کو ارسال کردی ہے۔
ذرائع کا کہنا ہے کہ اوگرا کی جانب سے بھیجی گئی سمری کے مطابق پیٹرول کی قیمت میں 3 روپے فی لیٹر تک کمی کی سفارش کی گئی ہے۔
اسی طرح ڈیزل کی قیمت بھی 2 روپے 52 پیسے فی لیٹر کم کرنے کی سفارش کی گئی ہے۔
ذرائع نے مزید بتایا ہے کہ پٹرولیم مصنوعات کی قیمتوں کا حتمی فیصلہ وزارت خزانہ وزیر اعظم کی مشاور ت سے کرے گی۔
ملک بھر میں پیٹرولیم مصنوعات کی قیمتوں کا تعین اب ایک ماہ کے بجائے 15 روز کے ہوتا ہے، اس سے قبل یکم نومبر سے 15 نومبر تک پیٹرول کی قیمت میں ایک روپیہ 57 پیسے کی کمی کی گئی تھی۔
اسی طرح ڈیزل کی قیمت میں بھی 84 پیسے فی لیٹر کمی کی گئی تھی جس کے بعد نئی قیمت 103 روپے 22 پیسے فی لیٹر ہوگی تھی۔
