شوبز کی چلبلی اداکارہ، اقراء عزیز کی زندگی کے دلچسپ حقائق

2018 میں سنو چندا سے لازوال شہرت حاصل کرنے والی اقرا عزیز پاکستانی ڈرامہ انڈسٹری کی چلبلی اداکارہ کے طور پر جانی جاتی ہیں۔

کئی معروف ڈراموں میں مرکزی کردار ادا کرنے والی اقرا عزیز اکثر اوقات انٹرویوز میں اپنی حالات زندگی کے دلچسپ پہلو مداحوں کے ساتھ شیئر کرتی رہتی ہیں۔

اپنی پیدائش کے بارے میں بات کرتے ہوئے ان کا کہنا تھا کہ جب میری پیدائش ہوئی تو میرے والدہ بیٹے کی خواہش مند تھیں اور انہیں فطری طور پر میری پیدائش سے مایوسی ہوئی تھی۔

اقراء عزیز 24 نومبر 1997 کو عبد العزیز اور آسیہ عزیز کے گھر پیدا ہوئیں، ان کے والدین سندھی تھے۔

انہوں نے آنکھ کھولی تو صرف والدہ اور بڑی بہن کو اپنے پاس دیکھا، ان کے والد کی وفات کے بعد ان کی والدہ نے ان کو پالا اور تعلیم دلوائی۔

انہوں نے 2014 میں محض 17 سال کی عمر میں اداکاری کا آغاز کیا، اقرا نے سب سے پہلا ڈرامہ کسے اپنا کہیں میں ڈرامہ انڈسٹری کے سینئر اداکاروں کے ساتھ کام کر کے اپنی صلاحیتوں کا لوہا منوایا۔

اقرا کی والدہ کراچی کی پہلی کریم ڈرائیور

انہوں نے ایک انٹرویو میں فخریہ اپنی والدہ کی جدوجہد کا ذکر کیا جو انہوں نے اپنی بیٹیوں کی پرورش کے لیے کی۔

اقرا نے بتایا کہ ان کی والدہ کراچی کی پہلی فی میل کریم ڈرائیور بھی ہیں، انہوں نے ہمت اور حوصلے کے ساتھ اپنی بیٹیوں کی پرورش کی اور انہیں معاشرے میں مقام دلوایا۔

سنو چندا کی جیا نے ایک انٹرویو میں دلچسپ انکشاف کیا، انہوں نے بتایا کہ ان کی والدہ کے مطابق جب وہ پیدا ہوئیں تو وہ مرغے کی ٹانگ جتنی تھیں، لیکن اب ان کی والدہ ان سے بہت محبت کرتی ہیں۔

انہوں نے بتایا کہ چھوٹی ہونے کے ناطے مجھے ہر معاملے میں والدہ کی سپورٹ حاصل رہی ہے۔

اپنے والد کا ذکر کرتے ہوئے انہوں نے بتایا کہ جب وہ پیدا ہوئیں تو ان کے والد بیرون ملک تھے۔ ان کی تیسری سالگرہ کے بعد والد پاکستان آئے، تب اقرا پہلی بار اپنے والد سے ملی تھیں۔

انہوں نے یاد کیا کہ جب وہ 12 سال کی تھیں تو ان کے والد کا انتقال ہو گیا۔ اقرا عزیز نے بتایا کہ وہ اپنی زندگی میں والد کی بہت کمی محسوس کرتی ہیں۔

تعلیمی ڈگری

اوائل عمری میں ہی اداکاری میں قدم رکھنے کی وجہ سے اقرا نے اپنی ڈگری ادھوری چھوڑ دی تھی۔

ایک انٹرویو میں تعلیم سے متعلق پوچھے گئے سوال کے جواب میں انہوں نے بتایا تھا کہ وہ جلد ہی اپنی ادھوری تعلیم کو مکمل کریں گی۔

اقرا عزیز نے 28 دسمبر 2019 کو اداکار یاسر حسین کے ساتھ رشتہ ازدواج میں بندھ گئیں۔ اس سے قبل یاسر حسین نے لکس اسٹائل ایوارڈ کی تقریب کے دوران انہیں شادی کی پیشکش کی تھی۔