کراچی: سابق صدر اور پیپلزپارٹی کے شریک چیئرمین آصف زرداری نے اپنی بڑی صاحبزادی بختاور کی منگنی طے کر دی ہے۔
جیو نیوز کے مطابق بختاوربھٹو زرداری کی منگنی محمود چوہدری سے ہوگی جس کی تقریب 27 نومبر کو کراچی میں ہوگی۔
دعوت نامے میں کورونا وبا کے پیش نظر تمام مہمانوں کو تقریب میں شرکت سے 24 گھنٹے قبل کورونا کےمنفی ٹیسٹ کی اسکین کاپی بھی بلاول ہاؤس کو فراہم کرنے کا بھی کہا گیا ہے جب کہ مہمانوں کو موبائل فون رکھنے اور تصاویر بنانے کی اجازت بھی نہیں ہوگی۔
تاہم دعوت نامے کے مطابق تمام مہمانوں کو صرف بلاول ہاؤس کے آفیشل فوٹوگرافر کی بنائی گئی تصاویر فراہم کی جائیں گی۔
ذرائع کا کہنا ہے کہ محمود چوہدری امریکہ میں مقیم تاجر یونس چوہدری کے بیٹے ہیں۔
