لاہور کے محکمہ اینٹی کرپشن نے لیگ کے رہنما میاں جاوید لطیف کی 80 سالہ والدہ کے خلاف مقدمہ درج کر لیا ہے۔
محکمہ اینٹی کرپشن کی جانب سے جاری بیان کے مطابق مسلم لیگ (ن) کے رکن قومی میاں جاوید لطیف کی والدہ ولایت بی بی، پٹواری شبیر اور ملک طاہر نامی شخص کے خلاف مقدمہ درج کیا گیا ہے۔
مقدمے میں فراڈ، جعلسازی اور دھوکا دہی کی دفعات شامل کی گئی ہیں۔
میاں جاوید لطیف کی جانب سے والدہ کے خلاف مقدمہ درج کی شدید مذمت کی ہے۔
اپنے بیان میں ان کا کہنا تھا کہ ان کی معمر والدہ کو بدترین سیاسی انتقام کا نشانہ بنایا جا رہا ہے۔
شیخوپورہ کے رہائشی عبدالمجید نے درخواست دی تھی کہ جاوید لطیف کا ٹریول اڈہ بنانے کے لیے کئی بے ضابطگیاں کی گئی۔
معاملہ مزید انکوائری کے لیے ڈی جی اینٹی کرپشن پنجاب کو بھیج دیا گیا ہے۔
شیخوپورہ میں ن لیگ کے دفتر کی جانب سے جاوید لطیف کے خلاف مقدمے کی شدید مذمت کی گئی ہے۔
دفتر کی جانب سے جاری بیان میں کہا گیا ہے کہ جاوید لطیف کی والدہ انتہائی نیک اور عبادت گزار ہیں، جو خاموشی کے ساتھ کئی غریب گھرانوں اور بیوہ عورتوں کی داد رسی کرتی ہیں۔
ان کا کہنا تھا کہ ان کی خاطر سینکڑوں بیوہ عورتوں کے دل سے نکلنے والی آہیں حکمرانوں کا بیڑا غرق کر دیں گی
یاد رہے محکمہ اینٹی کرپشن پنجاب نے خواجہ آصف، رانا ثنا اللہ، رانا مشہود سمیت 37 سیاستدانو ں کے خلاف تحقیقات شروع کر رکھی ہیں۔
