پاکستان کی معروف اداکارہ سجل علی نے منفرد بین الاقوامی ایوارڈ اپنے نام کر لیا ہے۔
دبئی میں منقعد کیے گئے ڈسٹنکٹو انٹرنیشنل عرب فیسٹیول ایوارڈ (ڈیفا) کا چوتھا سالانہ ایوارڈ سجل علی کے حصے میں آیا ہے جس کے بعد وہ یہ ایوارڈ اپنے نام کرنے والی پہلی پاکستانی اداکارہ بن گئی ہیں۔
یاد رہے ڈیفا ایوارڈز ہر سال منقعد کیا جاتا ہے جب کہ رواں سال فیسٹیول کی رنگا رنگ تقریب کا انعقاد متحدہ عرب امارات میں ہوا۔
اپنے انسٹاگرام اکاؤنٹ پر سجل علی نے ویڈیو شیئر کرتے ہوئے خوشی کا اظہار کیا ہے۔
ان کا کہنا ہے کہ یہ ایوارڈ نا صرف ایک فنکار کی حیثیت سے میرے لیے بہت خاص ہے بلکہ یہ میرے قابل فخر پاکستانی ہونے کی حیثیت سے بھی خاص ہے۔
سجل علی نے ایوارڈ وصول کرنے کے بعد اپنے پیغام میں کہا کہ مجھے بہت خوشی ہے کہ میں اس تقریب میں شریک ہوئی جہاں اتنے اچھے اور عظیم اداکار موجود ہیں۔
اپنے پیغام میں سجل علی کا کہنا تھا کہ مجھ پر یقین رکھنے کے لیے میں اپنے تمام مداحوں کی مشکور ہوں۔
سجل علی کے علاوہ امریکی گلوکارہ ایویتا موکوشیان، سوڈانی فلم ساز امجد ابو الالا، موراکین نژاد ڈچ فیشن ڈیزائنر لیلیٰ عزیز اور دیگر اداکاراروں، گلوکاروں اور دیگر شوبز شخصیات بھی ایوارڈز دیے گئے۔
