ترک ڈرامہ ارطغرل غازی کے مرکزی کردار انگین التان پاکستان پہنچ گئے، لاہور ایئرپورٹ پر اترنے کی تصویر جاری کر دی گئی۔
ترک سفارت خانے کے ٹوئٹ میں انگین التان کی لاہور ایئرپورٹ پر اترنے کی تصویر جاری کی گئی ہے جس سے پتہ چلتا ہے کہ وہ پاکستان کے شہر لاہور میں پہنچ چکے ہیں۔
واضح رہے کہ ترکی کے تاریخی ڈرامے ارطغرل غازی نے پاکستان میں مقبولیت کے ریکارڈ قائم کرچکا ہے اور ہر نوجوان ، بچہ ، بوڑھا اس ڈرامے کو دیکھنے میں مصروف ہے، کئی نوجوان تو ارطغرل کے پورے پانچ سیزن دیکھ کر اسے بار بار دیکھنے پر مجبور ہیں ۔
اپنی مقبولیت کے جھنڈے گاڑھنے والا ارطغرل غازی ڈرامہ مسلمانوں بالخصوص ترکوں کی تاریخ سے متعلق ہے جسے پاکستان کے علاوہ دوسرے مسلم ممالک میں بھی بہت مقبولیت حاصل ہوئی ہے ۔
