عمران حکومت اسرائیل کو تسلیم کرنے کی تیاری پکڑرہی ہے؟ مریم نوازنے کیا بیان دیدیا

اسلام آباد(مانیٹرنگ ڈیسک )’’عمران حکومت اسرائیل کو تسلیم کرنے کی تیاری پکڑرہی ہے ‘‘۔یہ انکشاف (ن)لیگ کی نائب صدر مریم نواز نے صحافیوں سے گفتگوکرتے ہوئے کیا ۔اسلام آباد ہائیکورٹ میں پیشی کے موقع پر ایک صحافی کے سوال پر مریم نواز نے کہاکہ وزیرِ اعظم عمران خان اسرائیل کی تعریفیں کر رہے تھے، کہیں ایسا تو نہیں کہ اسرائیل کو تسلیم کرنے کی تیاری کر لی گئی ہے؟مریم نواز نے جواب میں کہا کہ مجھے ایسا ہی لگ رہا ہے، اگر ایسا نہیں ہے، تو بہت ساری نیوز ایجنسیاں اور لوگ رپورٹ کر رہے ہیں، مگر کوئی تردید نہیں آ رہی، اگر ایسا ہے تو قوم کو بتائیں تاکہ قوم اپنا فیصلہ لے،

اگر آپ نے دوستی کرنی ہے تو یہ آپ نہیں کر سکتے، یہ آپ کا ذاتی فیصلہ نہیں، 22 کروڑ عوام کا فیصلہ ہے، ان کو اعتماد میں لیں اور سچ بتائیں۔ایک اور صحافی کو جواب دیتے ہوئے ان کہنا ہے کہ آپ لوگ ہر بات میں ڈیل نکال کر لے آتے ہیں، کیوں ڈیل ہو گی اور کس کے ساتھ ہو گی؟ اتنی قربانیاں دینے کے بعد ہم کیا ہم پاگل ہیں کہ ان کے ساتھ ڈیل کر لیں گے جن کے خلاف جدوجہد ہے، ان سے ڈیل کیسے کر سکتے ہیں؟