ٹریفک اہلکار نے گرنے والے دس لاکھ روپے شہری کو واپس دے کر شاندار مثال قائم کردی

لاہور (مانیٹرنگ ڈیسک) ٹریفک وارڈن نے ایماندار ی کی ایسی شاندار مثال قائم کردی کہ جس نے سنا ، تعریف کیے بغیر نہ رہ سکا۔موٹرسائیکل سوار شخص کے گرنے والے دس لاکھ روپے اسے واپس کر دیے۔یہ واقعہ پنجاب کے صوبائی دارالحکومت لاہور میں پیش آیا جہاں پر ایک موٹر سائیکل سوار معمر شخص کے دس لاکھ روپے گر گئے۔ دو گھنٹوں کے بعد یہ شخص شدید پریشانی کی حالت میں
ٹریفک پولیس کے پاس آیا اوراپنی پریشانی کا ذکر کیا۔ وارڈن زبیر نے کچھ جانچ پڑتال کرنے کے بعد پیسوں سے بھرا ہوا شاپر اس شخص کے حوالے کردیا۔ سی ٹی او لاہور منتظر مہدی کا ایمانداری کا مظاہرہ کرنے پر وارڈنز کو شاباش، تعریفی اسناد بھی جاری کیں او کہا کہ ٹریفک وارڈنز نے ایمانداری کی اعلیٰ مثال قائم کی، جو اس دوران میں ناپید ہے۔