لندن (مانیٹرنگ ڈیسک)سابق وزیراعظم میاں نوازشریف کی برطانیہ میں مزید قیام کےلئے ویزے میں توسیع کی درخواست مسترد کر دی گئی۔نجی ٹی وی چینل جیونیوز نے اپنی رپورٹ میں بتایا کہ برطانوی حکام نے سابق وزیر اعظم میاں نوازشریف کی برطانیہ میں مزید قیام کےلئے ویزے کی درخواست مسترد کر دی۔ نوازشریف نے برطانیہ میں ویزے کی توسیع کی درخواست دی تھی۔ نوازشریف کے پاس اپیل کا حق موجود ہے۔قانونی ماہرین کے مطابق سابق وزیر اعظم کے پاس اس وقت دو آپشن موجود ہیں ۔ وہ برطانوی امیگریشن کی اپیل کر سکتے ہیں۔ اپیل مسترد ہونے پر وہ برطانوی عدالتوں سے رجوع کرسکتے ہیں۔ واضح رہے کہ سابق وزیراعظم میاں نوازشریف اکتوبر 2019کو طبی علاج معالجے کی غر ض سے چارہفتوں کےلئے لندن روانہ ہوگئے تھےتاہم گزشتہ 22ماہ سے وہ وطن واپس نہیں آئے اورلندن میں ہی سکونت پذیر ہیں۔
