حلف نامہ غلط ہے تو رانا شمیم کو ، درست ہے تو ثاقب نثار کو سزا دیں ، ن لیگ نے بڑا مطالبہ کر دیا

اسلام آباد ( مانیٹرنگ ڈیسک ) مسلم لیگ ن کے رہنما اور سابق وزیر اعظم شاہد خاقان عباسی نے کہا کہ اگر حلف نامہ غلط ہے تو سابق چیف جج گلگت بلتستان رانا شمیم کو سزا دیں ، اگر درست ہے تو سابق چیف جسٹس پاکستان ثاقب نثار کو سزا دیں ۔ نجی ٹی وی 92 نیوز کے مطابق شاہد خاقان عباسی کا کہنا تھا کہ نواز شریف اور مریم نواز کو سازش کے تحت نکالا گیا ، ان کی سزائیں فوری ختم کی جائیں ، اگر حلف نامہ یا آڈیو مسلم لیگ ن نے بنائی ہے تو اسے بھی سزا دیں ، اقامہ کی فیس نہ لینے پر وزیر اعظم کو سزا مل سکتی ہے تو آڈیو پر سوموٹو کیوں نہیں ل سکتے ؟، اتنی تو ہمت کی جائے کہ سزا کالعدم قرار دی جائے ، ثاقب نثار سے سوال پوچھا جائے ، تحقیقات کرائی جائیں ۔ اس سے قبل ایل این جی ریفرنس میں سابق وزیر اعظم شاہد خاقان احتساب عدالت میں پیش ہوئے ، جج کی عدم دستیابی کے باعث آج سماعت نہ ہو سکی ۔ سماعت 30 نومبر تک ملتوی کر دی گئی ۔