ممبئی (مانیٹرنگ ڈیسک ) بالی وڈ اداکارہ اروشی روتیلا نے اسرائیل کے سابق وزیراعظم بن یامین نیتن یاہو سے ملاقات کی ہے۔ بھارتی اداکارہ اور ان کے خاندان نے سابق اسرائیلی وزیراعظم کی دعوت پر اسرائیل کا دورہ کیا۔ دورے میں اداکارہ اروشی نے نیتن یاہو سے بھی ملاقات کی جس کی تصاویر اور ویڈیوز سوشل میڈیا پر بھی شیئر کیں۔ اداکارہ نے سابق اسرائیلی وزیراعظم کو ہندی زبان کے کچھ لفظ بھی سکھائے جسے انہوں نے کیمرے کے سامنے ادا کیا۔ اسرائیلی وزیر اعظم نے اداکارہ کو عبرانی زبان کا لفظ سکھایا جس پر اروشی نے یہ الفاظ ہندی میں بتائے۔ پھر نیتن یاہو نے ہندی میں روانی سے ‘سب شاندار، سب بڑھیا’ کے الفاظ بولے جس پر کمرے میں قہقہے لگ گئے۔
