اسلام اآباد (مانیٹرنگ ڈیسک )بالی وڈ کی فلمیں دیکھنے والوں سے اگر پوچھا جائے تو شاید ہی کوئی ہو جو یہ نہ جانتا ہوکہ زرین خان کون ہیں ۔ کوئی انہیں کترینہ کی ہمشکل کہتا ہے تو کوئی ان سے بھی پیارا ۔
بہت کم لوگ جانتے ہیں کہ زرین خان مسلمان ہیں ۔ اداکارہ زرین خان کی ایک ویڈیو ان دنوں سوشل میڈیا پلیٹ فارمز پر زیرِ گردش ہے۔ ویڈیو میں زرین خان سے ان کے مداحوں کی جانب سے کی جانے والی تنقید سے متعلق پوچھا گیا جس پر اداکارہ نے کہا ’میں مسلمان ہوں اس لیے شاید لوگ مجھے زیادہ نشانہ بناتے ہیں اور کہتے ہیں کہ یہ ایسا کررہی ہے‘۔
زرین خان نے کہا کہ ’میں نے قرآن شریف دو مرتبہ مکمل پڑھا ہے، اپنا اسلام بہت اچھی طرح سے جانتی ہوں‘۔ اداکارہ نے مزید کہا کہ ’اسلام میں یہ بھی ہے کہ کسی پر دباؤ ڈال کر کوئی چیز سکھا نہیں سکتے، جب خدا کے پاس جائیں گے تو آپ اپنے لیے جوابدہ ہوں گے اور میں اپنے لیے، تو کیا ضرورت ہے کسی کو کچھ سکھانے کی‘۔
