فیس بک ، انسٹاگرام کی مستقل بندش کی افواہیں،میٹا کے ترجمان اینڈی سٹون کا بیان سامنے آگیا

اسلام آباد (نیوز ڈیسک ) سوشل میڈیا ایپلیکیشن فیس بک اور انسٹاگرام میں تکنیکی مسئلہ آگیا۔ میٹا کی ایپلیکیشن فیس بک، انسٹا گرام اور فیس بک میسنجر میں تکنیکی مسائل کے باعث صارفین کے اکاؤنٹ خود بخود بند ہوگئے۔صارفین کا کہنا ہے کہ فیس بک اکاؤنٹ خود بخود لاگ آؤٹ ہوئے اور دوبارہ پاس ورڈ لگانے کے باوجود بھی آئی ڈیز بند ہوگئیں اور پاس ورڈ کو غلط قرار دیا۔
صارفین کے مطابق انسٹاگرام اور فیس بک میسجنر پر بھی اسی مسئلے کا سامنا کرنا پڑ رہا ہے۔
اب اس حوالے سے سوشل میڈیا پلیٹ فارم xپر میٹا کے ترجمان اینڈی سٹون کا بیان سامنے آگیا ہے ۔ اینڈی سٹون کا کہنا ہے کہ ’’ہم آگاہ ہیں کہ لوگوں کو ہمارے سوشل میڈیا پلیٹ فارمز تک رسائی میں دشواری کا سامنا ہے۔ ہم ابھی اس پر کام کر رہے ہیں۔

We're aware people are having trouble accessing our services. We are working on this now.

— Andy Stone (@andymstone) March 5, 2024