فیکٹ چیک : قائد اعظم محمد علی جناح کے نام سے منسوب ہسپتال کا نام بدل کر مریم نواز آف کارڈیو ویسکولر ڈیزیز رکھ دیا گیا؟

اسلام آباد (نیوز ڈیسک )جناح انسٹیٹیوٹ آف کارڈیالوجی کا نام بدل کر مریم نواز انسٹیٹیوٹ آف کارڈیو ویسکولر ڈیزیز لاہور رکھنے پر عظمیٰ بخاری کا بیان سامنے آگیا۔
سوشل میڈیا پر گردش کرنےوالی ایک خبر نے اس وقت سب کی توجہ سمیٹی جب محکمہ صحت پنجاب کاایک نوٹیفکیشن وائرل ہوا۔
نوٹیفکیشن میں لکھا تھا کہ لاہور کے ج جناح انسٹیٹیوٹ آف کارڈیالوجی کا نام بدل دیا گیا ہے ، زیر تعمیر اسپتال کا نام مریم نواز انسٹیٹیوٹ آف کارڈیو ویسکولر ڈیزیز لاہور رکھ دیا گیا۔
تصاویر وائرل ہونے کے بعد عظمیٰ بخاری کا بیان سامنے آگیا۔ اپنے ٹوئیٹ میں عظمیٰ بخاری نے کہا کہ حکومت پنجاب کے بارے میں فیک نوٹیفکیشن زیر گردش ہے،جس کی سختی سے تردید کی جاتی ہے،کسی اسپتال کا نام نہیں بدلا جارہا۔
واضح رہے کہ نگراں حکومت نے زِیر تعمیر منصوبے کا نام جناح انسٹیٹیوٹ آف کارڈیالوجی جناح اسپتال رکھا۔

حکومت پنجاب کے بارے میں یہ فیک نوٹیفکیشن زیر گردش ہے،جس کی سختی سے تردید کی جاتی ہے،کسی ہسپتال کا نام نہیں بدلا جارہا pic.twitter.com/VhNvxJL5Uf

— Azma Zahid Bokhari (@AzmaBokhariPMLN) May 30, 2024