چاہت فتح علی خان اور اداکار دھرمیندر کی فیملی کا تعلق؟ سوشل میڈیا وائرل پوسٹ کی حقیقت سامنے آگئی

اسلام آباد (نیوز ڈیسک )چاہت فتح علی خان یوں تو سوشل میڈیا پر اپنے گانوں کے باعث سب کی توجہ حاصل کر لیتے ہیں تاہم اب سوشل میڈیا سٹار کے حوالے سے ایک تصویر کافی وائرل ہے۔فیس بک پر ایک پیج کی جانب سے تصویر اپلوڈ کی گئی تھی، جس پر سوشل میڈیا صارفین بھی ہکے بکے رہ گئے تھے۔
تفصیلات کے مطابق شوبز کے ایک پیج کی جانب سے بالی وڈ اداکار دھرمیندر اور ان کی فیملی کی ایک تصویر اپلوڈ کی گئی تھی، جس میں اداکار کی فیملی کو دیکھا جا سکتا ہے تاہم اسی فیملی کی تصویر میں ایک شخص ایسا بھی تھا، جو آج کے دور میں کافی مقبول ہو رہا ہے۔اس تصویر میں دھرمیندر، ان کی پہلی اہلیہ پرکاش کور، بیٹے بوبی دیول اور سنی دیول بھی موجود تھے جبکہ دھرمیندر کی پہلی اہلیہ سے بیٹیاں وجیتا اور اجیتا بھی موجود تھیں۔اسی تصویر میں بوبی دیول اور سنی دیول کے بیچ میں موجود مسکراتا چہرا پاکستانی سوشل میڈیا سٹار چاہت فتح علی خان سے مماثلت رکھ رہے ہیں جبکہ سوشل میڈیا صارفین بھی چاہت فتح علی خان ہی سمجھ رہے ہیں اور دلچسپ تبصرے کرتے دکھائی دے رہے ہیں لیکن اس تصویر کی حقیقت یہ ہے کہ اس تصویر میں موجود شخص چاہت فتح علی خان نہیں ہیں بلکہ دھرمیندر کی فیملی کے قریبی شخص ہیں۔