اسلام آباد (نیوز ڈیسک) اپوزیشن لیڈر قومی اسمبلی عمر ایوب نے اپنی ضمانت منظور ہونے کے بعد انسدادِ دہشت گردی کی خصوصی عدالت (اے ٹی سی)میں مچلکے جمع کرا دیے ہیں۔
عمر ایوب نےمیڈیا سے بجٹ کے بعد صورتحال کے حوالے سے گفتگو کرتے ہوئے کہا کہ ہماری حکومت میں بجلی کا فی یونٹ 17 روپے تھا جبکہ ڈالر کا ریٹ 170 سے 180 روپے کے درمیان تھا۔ اب بجلی کا فی یونٹ 100 روپےسے اوپر جائے گا۔ جبکہ امپورٹ روکنے کے باعث ڈالر کا ریٹ 275 روپے پر پہنچ چکا ہے، جلد آپ دیکھیں گے امریکی ڈالر 350روپے سے بھی اوپر چلا جائے گا۔
انہوں نے اپنے استعفے کے حوالے سے کہا کہ دو عہدوں کی وجہ سے میں اپنے فرائض ادا نہیں کر پا رہا تھا جس کی وجہ سے پارٹی کے سیکرٹری جنرل کا عہدہ چھوڑا۔عمر ایوب نے پارٹی میں اختلافات کی خبروں کو مسترد کرتے ہوئے کہا کہ پی ٹی آئی میں کوئی اختلافات نہیں ہے۔
بجلی فی یونٹ 100سے اوپر اور ڈالر 350 روپے سے اوپر جانے کی پیش گوئی
