کیئر اسٹارمر برطانیہ کے وزیراعظم بن گئے

اسلام آباد (نیوز ڈیسک ) کیئر اسٹارمرنے کنگ چارلس سے ملاقات کی جس میں انہیں وزیر اعظم مقرر کیا گیا۔ بعدازاں کئیر اسٹارمر نے اپنے پہلے خطاب میں کہا کہ میں ابھی شاہی محل سے واپس آیا ہوں،رشی سونک کا شکریہ ادا کرتا ہوں ،رشی سونک نے برطانیہ کیلئے غیر معمولی کوشش کی،رشی سونگ اس عظیم ملک کے پہلے ایشیائی وزیراعظم بنے ۔
میں نے ملک میں حکومت بنانے کی دعوت قبول کی،عوام نے تبدیلی اور عوامی خدمت کیلئے ووٹ دیا ہے ،ہم سب مل کر آگے بڑھیں گے ،حکومت میں عوامی خدمت ترجیح ہو گی ۔
عوام نے ہمیں خدمت کیلئے منتخب کیا ہے،جنہوں نے لیبر پارٹی کو ووٹ نہیں دیا ان کی بھی خدمت کریں گے،میرےلیےملک پہلے اور پارٹی بعد میں ہے۔
انہوں نے مزید کہا کہ ملک کو متحد کریں گے اور ساتھ کھڑے ہوں گے ،دنیا کو سنگین چیلنجز کا سامنا ہے،رنیشنل رینیوول کیلئے سب کو اکھٹنے ہونے کی دعوت دیتا ہوں ،عوام کی توقعات پر پورااترنے کی ہر ممکن کوشش کریں گے۔