انسداد گداگری قانون میں ترامیم منظور، بھیک منگوانا ناقابل ضمانت جرم قرار

لاہور(نیوز ڈیسک )محکمہ داخلہ پنجاب نے بھکاری مافیا کے گردشکنجہ سخت کرلیا،انسداد گداگری قانون میں ترامیم منظورکرتے ہوئے بھیک منگوانا ناقابل ضمانت جرم قراردیدیا۔
نجی ٹی وی چینل کے مطابق کسی شخص سےبھیک منگوانے والے مافیا چیف کو 3سال قید اور ایک سے 3لاکھ جرمانہ یادونوں ہونگے، جرمانے کی عدم ادائیگی پر مزید 6ماہ قید کی سزا ہوگی،ایک سے زائد لوگوں سے بھیک منگوانے والے کو 3سے 5سال قید، 3سے 5لاکھ جرمانہ یادونوں ہونگے۔
بچوں سے بھیک منگوانے والے مافیا چیف کو 5سے 7سال قید اور5سے 7لاکھ جرمانہ ہوگا،جرمانے کی عدم ادائیگی پر مزید ایک سال قید کی سزا ہوگی،جبری معذوری کرکے بھک منگوانے والے 7سے 10سال قید، 10سے 20لاکھ جرمانہ ہوگا، جرمانے کی عدم ادائیگی پر مزید 2سال قید کی سزا ہوگی،جرم وہرانے والے کو دگنی سزا اورجرمانہ ہوگا۔