اسلام آباد (نیوز ڈیسک) حکومت نے زرعی آمدنی پر ٹیکس جولائی 2025 سے لگانے کا فیصلہ کرلیا۔ پارلیمنٹ میں میڈیا سے گفتگو میں وزیرخزانہ محمد اورنگ زیب کا کہنا تھاکہ زرعی شعبے پر ٹیکس کی قانون سازی جنوری 2025 میں کی جائے گی اور وفاق کی صوبوں کے ساتھ نیشنل فنانس پیکٹ پر پیش رفت ہو رہی ہے۔ انہوں نے کہا کہ سی پیک بجلی منصوبوں کے قرض کی ری پروفائلنگ پر مثبت بات چل رہی ہے اور امید ہے جلد سی پیک بجلی منصوبوں کی ری پروفائلنگ معاہدے ہو جائیں گے۔ ان کا کہنا تھاکہ اسٹیٹ بینک کی مکمل خود مختاری کا حامی ہوں۔ خیال رہے کہ ملک میں زرعی آمدن پر ٹیکس لاگو نہیں ہے، اگر ٹیکس عائد ہوجاتا ہے تو یہ قیام پاکستان کے بعد پہلی بار ہوگا۔
