بھارت کے مزاحیہ اداکار جسویندر بھلا کی عوام کو گھروں میں رہنے کی دلچسپ اپیل

بھارت میں پنجابی فلموں کے معروف مزاحیہ اداکار جسوینڈر بھلا نے ایک دلچسپ واقعہ سناتے ہوئے عوام سے کورونا وائرس کی وبا کے دوران گھروں میں رہنے کی اپیل کی ہے۔

اپنے ویڈیو پیغام میں انہوں نے شیو کھیڑا کی کتاب "تہاڈی جت” کی ایک کہانی کا حوالہ دیتے ہوئے بتایا جس کے مطابق ایک گاؤں میں سیلاب آنے کا خطرہ تھا، حکومت نے اعلان کیا کہ اپنی جان بچانے کے لیے تمام گاؤں والے اونچی جگہ پر چلے جائیں۔

گاؤں کے ایک شخص نے جانے سے انکار کر دیا، اس کے پاس اس گاؤں کے سرپنچ، چوکیدار اور پنڈت پہنچے اور گاؤں سے نکلنے کے لیے منت سماجت کی لیکن اس شخص نے کہا کہ اس نے تمام عمر رب کی پوجا پاٹ کی ہے، خدا اسے بچا لے گا، اس لیے وہ اپنا گاؤں چھوڑ کر کہیں نہیں جائے گا۔

بھارت میں‌جنتا کرفیو کامیاب، لاک ڈاؤن 75 شہروں‌ تک پھیلا دیا گیا

کورونا وائرس کا آغاز چین سے نہیں اٹلی سے ہوا؟ نئے حیران کن حقائق منظرعام پر

کورونا وائرس سے بچاؤ کیسے ممکن ہے؟ تین سالہ بچی کی ہدایات کی ویڈیو وائرل

اس کے بعد سیلاب آیا اور وہ شخص اس میں ڈوب کر مر گیا، مرنے کے بعد جب وہ خدا سے ملا تو اس نے شکوہ کیا کہ میں ساری عمر پوجا پاٹ کرتا رہا لیکن آپ نے مجھے بچانے کے لیے کچھ نہیں کیا۔

اس پر خدا نے جواب دیا کہ میں تمہیں بچانے کے لیے خود کبھی پنڈت، کبھی سرپنج اور کبھی چوکیدار کے روپ میں گیا لیکن تم خود کو بچانے کے لیے راضی نہیں تھے تو پھر تم کو کیسے بچا سکتا تھا۔

Dedicated to the "eeman ki taqat" crowd out there….. pic.twitter.com/ZjnbiA1VK9

— Awais Saleem (@awaissaleem77) March 23, 2020

جسویندر بھلا نے اس خوبصورت کہانی کی مثال دے کر عوام سے اپیل کی کہ حکومت نے آپ کے لیے جو کرنا تھا وہ کر رہی ہے، اب عوام کا فرض ہے کہ حکومتی احکامات کو مانتے ہوئے اپنے گھروں تک محدود رہیں۔