قوانین میں ترمیم ، شارجہ میں اب ضبط کی گئی گاڑیوں کو تین ماہ بعد نیلام کر دیا جایا کرے گا

قوانین میں ترمیم ، اب شارجہ میں ضبط کی گئی گاڑیاں اگر تین ماہ کے اندر اندر چھڑوائی نہ گئیں تو انہیں فروخت کر دیا جائے گا ۔

ٹریفک قوانین کی خلاف ورزی یا حادثات کے باعث پولیس کی جانب سے قبضے میں لی گئی گاڑیاں، ٹریفک حادثے کی فائل بند ہونے یا عدالتی فیصلہ آنے کے تین ماہ بعد اور امارت کی پبلک پراسیکیوشن کے ساتھ ہم آہنگی کے بعد عوامی نیلامی کے ذریعے فروخت کی جائیں گی۔

گاڑی چھڑوانے کے لیے مالکان کو فیس ادا کرنی ہوگی جو5ہزار درہم سے 30ہزار درہم تک ہو سکتی ہے۔

یہ اقدام قرارداد نمبر (3) سال 2016 میں کی گئی ترمیم کے تحت کیا گیا ہے، جو شارجہ امارت میں ضبط شدہ گاڑیوں کے تصرف سے متعلق ہے۔

منگل کے روز منعقد شارجہ کی ایگزیکٹو کونسل کے اجلاس میں یہ فیصلہ کیا گیا ۔