رپورٹ : رانا اشرف
نیشنل سائبر کرائم انویسٹی گیشن اتھارٹی (NCCIA) نے سوشل میڈیا پر فعال اسکیمرز اور غیر قانونی بائنری ٹریڈرز کے خلاف اپنی کارروائیاں تیز کر دی ہیں، جو پاکستان میں غیر قانونی اور ممنوعہ جوا ایپلیکیشنز کی تشہیر کر کے لوگوں سے سرمایہ کاری حاصل کر رہے تھے۔
اس سلسلے میں مشہور ٹک ٹاکرز رجب بٹ، انس علی اور حریرہ کے خلاف تین نئے مقدمات درج کیے گئے ہیں۔ ان افراد پر الزام ہے کہ انہوں نے سوشل میڈیا کے ذریعے عوام کو گمراہ کن معلومات دے کر غیر قانونی پلیٹ فارمز میں سرمایہ کاری کی ترغیب دی۔
تحقیقات کے دوران ان تینوں افراد کو تین مرتبہ نوٹسز بھیجے گئے تاکہ وہ انکوائری میں شامل ہوں، لیکن انہوں نے مسلسل عدم تعاون کا مظاہرہ کیا۔قانون کے تقاضے پورے کرنے اور انصاف کی فراہمی کو یقینی بنانے کے لیے اب انہیں پاکستان واپس لانے کے لیے اقدامات شروع کر دیے گئے ہیں۔
